филиал вгтрк государственная телерадиовещательная компания “Алания”

Иу танк, иу экипаж, æмæ æрмæстдæр иу фадат. Дзæуджыхъæуы кинотеатрты дарддæр æвдисынц Алексей Сидоровы аивадон киноныв «Т-34». Уæрæсейы нырыккон кинематографы ирддæр актертæ се ппæты ахæссынц, историйы чи баззад, уыцы цаутæм. Сюжеты мидис – Фыдыбæстæйы Стыр хæст. Аивадон киноныв прокаты рацыд Æппæтуæрæсеон Паддзахадон телерадиокомпанийы æххуысæй. Рацыд ног азы фæлладуадзæн бонты, æмæ ныр дæр кинозалты адæмæй къух бакæнæн нæ вæййы. Цымыдисæй йæм цæуынц алы фæлтæрты минæвæрттæ дæр.

Лæмбынæгæй арæзт сценарий, сæйраг архайджыты хъазæн ныхæстæ æмæ сæ хъысмæт, алцыдæр зæрдæйыл æмбæлы. Зæгъæн ис, æмæ хæстон драмæ «Т-34» алцæмæй дæр хорз у. Æвæццæгæн, уый тыххæй киноныв бауарзтой нæ бæстæйы цæрджытæ.

Фыццаг бонтæй дæр бæрæг уыдис, режиссер Алексей Сидоровы киноныв ног азы бæрæбæтты цы кинонывтæ цыд æвдыст, уыдоны хсæн популярон кæй уыдзæн. Æртыккаг къуыри Уæрæсейы кинонывты прокаты æппæтæй хуыздæр у. Фыццаг бон, киноныв æвдыст куы рцыд, уæд æрæмбырд кодта сæдæ фынддæс милуан сомæй фылдæр. Кинонывæн арæзт æрцыд дыууын фондз егъау декорацийы, уыдоны хсæн уырыссаг хъæу, æфсæддон уацайрæгты лагерь, немыцаг полигон, æфсæнвæндаггон станцæ.

Кинонывмæ бакæсут, зæгъгæ, зæгъынц канд чи йæ федта, уыдон нæ, фæлæ кинокритиктæ дæр. Ацы уæрæсейаг киноныв йæ хæрзъæддзинадмæ гæсгæ Голливуды кинотæй æвзæрдæр ницæмæй у.