Йæ архайджытæ ныхас кæнынц горæтты рæзтыл æмæ нырыккон уавæрыл
«Иугонд Уæрæсе»-йы арæзт æрцыд Уæрæсейы Федерацийы субъектты центрты – горæтты Палатæты æмбырд. Йæ архайджытæ ныхас кæнынц горæтты рæзтыл æмæ нырыккон уавæрыл. Цæгат Ирыстоны номæй дзы архайдтой Дзæуджыхъæуы администрацийы сæргълæууæг Фæрниаты Тамерлан, республикæйы Сæргълæууæджы æххæстбарджын минæвар муниципалон скондты Советы Геннадий Родионов, стæй Кировы районы муниципалон сконды сæргълæууæг Нæкуысаты Барис. Фембæлд арæзт æрцыд видеоконференцийы хуызы. Йæ хатдзæгтæм гæсгæ сбæлвырд кодтой резолюци. Сæрмагондæй хауы æххæстгæнæн хицаудзинады оргæнтæм. Фембæлды архайджытæ куыд загътой, афтæмæй сæйраг нысан у – адæмы ргом бынæттон хиуынаффæйады фæткмæ здахын. Геннадий Родионов куыд радзырдта, афтæмæй республикæйы цæрджытæ иу фарсæй хъуамæ ма кæсой, фæлæ сæхæдæг дæр архайой алыхуызон мадзæлтты. «Бынæттон хиуынаффæйады хуыздæр специалист»-ы 5 номинацимæ гæсгæ кад кæндзысты 15 финалистæн. Республикон конкурс расидтысты ивгъуыд азы, муниципалон скондты Советы хъæппæрисæй. Конкурсы хатдзæгтæм гæсгæ конд æрцæудзæн кадрты резерв.
