филиал вгтрк государственная телерадиовещательная компания “Алания”

Ивановойы уыд Андрей Тарковскийы номыл 8-æм кинофестиваль «Зеркало». Архайдта дзы не мкусæг, уацхæссæг æмæ режиссер Хъæрджынты Иринæ. Бацæттæ кодта цыбыр киноныв «Тъунел». 

Киноныв ист уыд Цæгат Ирыстоны хæхты. Æвдыст дзы ис, заууатмæ чи цæуы, уыцы шахтерты поселочы цæрæг æртæ хойы цард. Кинонывы проектыл бакуыстой «Культбюро»-йы. Систой йæ студи «Фокус плюс Синема»-йы. Автор æмæ режиссер у Хъæрджынты Иринæ йæхæдæг, продюсертæ Болæтаты Зауыр, Петр Гудков, Наталья Панкова. 

Дзæуджыхъæуы киноуарзджытæн та йæ равдисдзысты ацы сæрды. Кинофестивалы рæстæг ма арæзт æрцыд форум. Ныхас дзы цыд кинематографийы рæзт регионты куыд цæуы, ууыл. Форум æмæ кинофестиваль аразджыты хъуыдымæ гæсгæ – ахæм мадзæлттæ ахъаз сты кинойы куыст сног æмæ парахат кæнынæн. Æхсызгон ма уый у, æмæ фæстаг азты кинонывтæ фылдæр исын райдыдтой сылгоймæгтæ. Уыдон та æндæр, ног хуызы æвдисынц риссаг фарстатæ, бæрæг кæнынц бакусинаг хъуыддæгтæ.