Æвзæрстытæ нымад æрцыдысты æххæстгондыл
Ивгъуыд æвзæрстыты хатдзæгтæ бахыгътой республикæйы сæйраг æвзарæн къамисы æмбырды. Æвзæрстытæ нымад æрцыдысты æххæстгондыл. Æвзарæн хайæдты регистрацигонд æрцыди 5 сæдæ 15 мины 7 сæдæ цыппор цыппар адæймаджы. Хъæлæс кæныны биллютены хыгъд уыдис 5 партийы. Депутатты иумæйаг бæрц 375 адæймаджы. Хайæдтæ иууылдæр ифтонггонд уыдысты видеоцæстдарды системæйæ. Куысты къуылымпыдзинæдæ нæ уыди. 16 хъæуы спайда кодтой хъæлæс кæныны уæлæмхасæн хуызæй. Уымæй уæлдай, йе нæниздзинад хъыгдард кæмæн у, ахæм адæм цæмæй схъæлæс кæной, уый тыххæй бацæттæ кодтой, 5 сæдæ бархионæй фылдæры. Æвзæрстыты хатдзæгтæм гæсгæ, депутатон мандаттæ адих кодтой ахæм хуызы: «Иугонд Уæрæсе»-йы регионалон парти райста æппæтæй фылдæр – 51 мандаты, коммунистон парти – 9 мандаты, Социалистон парти «Справедливая Россия – Патриоты – За правду» – 10 мандаты. Афтæмæй, протокол нымад æрцыд. Хыгъдмæ хаст цы партиты минæвæрттæ рцыди, уыдонæн мандаттæ æххæстæй лæвæрд æрцæудзæн 19-æм сентябры онг.
