Уый сын бантыст неонаталон скринингы руаджы
Ивгъуыд аз Цæгат Ирыстоны дохтыртæ ноггуырдтæм раиртæстой 19 генетикон низы. Уый сын бантыст неонаталон скринингы руаджы. Ахæм бæстон æркасты фæстæ сывæллонæн æмæ йæ ныййарджытæн фадат ис фидæнмæ фидарæй кæсынæн. Цавæр гæнæнтæ ма гом кæны ацы медицинон æркаст, уый тыххæй радзурдзæн Тъехты Элинæ.
Сæ цæстытæ нæма бакодтой æмæ дуне нæма федтой, афтæмæй зоныыц, медицинæйы къабазы сæ царды сæйрагдæр цы æркастытæ сты, уыдонæй иу. Уыцы æркасты руаджы раиртасæн ис генетикон низтæ. Ам сæйрагдæр у афойнадыл сæ базонын. Уый тыххæй та ноггуырдтæн саразынц сæрмагонд æркаст. Туг сисынц, сывæллоныл 2 боны куы рацæуы, уæд, йæ зæвæтæй. Фæлæ уый размæ дохтыртæ бар райсынц сабийы ныййарæгæй. Туг сисын иу хъуыддаг, фæлæ уый фæстæ нырма фæхъæуы биологон æрмæг лабораторимæ арвитын. Сывæллоны къах æрæвæрынц сæрмагонд фильтр – гæххæтыл, цæмæй дзы баззайа йæ туджы æртах. Æдæппæтæй анализ сисынмæ хъæуы 2 сыфы.
Ахæм тесты руаджы раиртасæн ис 36 генетикон низы. Æмæ уый, æцæгæйдæр, бирæ у – зæгъынц специалисттæ. 2023-æм азы республикæйы раиртæстой 19 низы. Уыдонæй 2 – астæуы хæцъæфты атрофия. Уый та у зындæр низтæй иу. Уæдæ йæ цæмæй сдзæбæх кæнай, уый тыххæй дæр хъæуы бирæ фæрæзтæ. Ныр та, проекты руаджы, сывæллон кæд рынчын у, уæд æй базонæн ис, низ йæхи куы нæма вдиса, уæд дæр.
Фæлæ тест лыггæнинаг фарста куы равдиса, уæд æй хъæуы 2-аг хатт скæнын. Уымæн æмæ низæн йæ бон у йæхи цæргæбонты дæр æмбæхсын, фæлæ хи хъахъхæнын хъæуы æнæмæнг.
Неонаталон скриниг хуымæтæг анализ нæу. Сывæллонæн æмæ йæ ныййарджытæн фадат дæтты фидæнмæ фидарæй кæсынæн. Уымæ гæсгæ медицинон кусджытæ сидынц, цæмæй ацы анализмæ фылдæр адæм æркæсой.
