Ныртæккæ та Уæллаг Ларсы уадзæн пункты сæрты ахизынмæ рады лæууынц 2000 уæзласæн машинæйы онг
Ивгъуыд къуыри уæрæсейаг-гуырдзиаг арæнты сæрты ахызтысты транспорты 16 мин фæрæзы. Ныртæккæ та Уæллаг Ларсы уадзæн пункты сæрты ахизынмæ рады лæууынц 2000 уæзласæн машинæйы онг. Контролон-уадзæн пункты æмæ Арвы комы фæндаджы уавæрыл ныхас цыд æрвылкъуырион аппаратон æмбырды. Уымæй дардæр Платы Альбинæ фехъусын кодта, 5-æм мартъийы кæй байгом уыдзæн физкультурон-дзæбæхгæнæн комплекс «Клеверспорт». Ныхас ма цыд эпидемиологон уавæрыл дæр. Уæрæсейы фæлхасадмæ цæстдарды управленийы бæрæггæнæнтæм гæсгæ, фæстаг рæстæг медицинон æххуыс бацагуырдтой къаддæр адæм. Сергей Меняйло бабар кодта республикæмæ æрбацæуæн постыты уæлæмхасæн видеоцæстдарды камерæтæ сæвæрын. Цæмæй контрафактон продукцийы, хæцæнгарзы, хæстфæрæзты æмæ наркотикты зилдухмæ бæстондæр цæстдард цæуа, уый тыххæй. Республикæйы Сæргълæууæджы иннæ уынаффæ баст уыд территориты аивдзинадмæ, зымæгон сезоны фæстæ. Æргом аздахын хъæуы мемориалтæм æмæ цыртдзæвæнтæм. Бизнесы фæрцы та саив кæнын артаджы станцæты цур территоритæ.
