27 августа 2024, 11:06
Ивгъуыд къуыримæ уæрæсейаг-гуырдзиаг арæнты уылты ацыди 35 мины 8 сæдæ дыууын машинæйы æмæ 118 мин адæймагæй фылдæр
Уый тыххæй æрвылкъуырион аппаратон æмбырды фехъусын кодта вице-премьер Томайты Ирбег. Ныртæккæ цæстдарæн уадзæн пункт «Уæллаг Ларс» у гом. Республикæйы фæндæгтыл сæмбырд сты 440 уæзласæн машинæйы. Æмбырды ныхас цыди æндæр хъуыддæгтыл дæр.
Мидхъуыддæгты министрады бæрæггæнæнтæм гæсгæ, къуыримæ Цæгат Ирыстоны æрцыди 150 фыдракæнды. Уыдонæй 55 сты телефонты уылты цæстфæлдахæн митæ. Æрдзырдтой ног ахуыры азмæ цæттæгæнæн мадзæлттыл дæр. Ахуырад æмæ наукæйы министрады куыд хъусын кæнынц, афтæмæй республикæйы ахуыргæнæндæттæ сты цæттæ.
темæмæ гæсгæ
