Уый тыххæй пресс-конференцийы журналисттæн фехъусын кодта Цæгат Ирыстоны фæллойы æмæ социалон рæзты министр Айдарты Алинæ
Июлы райдиан, бинонты, уарзондзинады æмæ иузæрдиондзинады боны агъоммæ республикæйы дæрддзæф 4 хъæуы байгом уыдзысты бирæвæрсыг центртæ. Уый тыххæй пресс-конференцийы журналисттæн фехъусын кодта Цæгат Ирыстоны фæллойы æмæ социалон рæзты министр Айдарты Алинæ. Министр куыд фæнысан кодта, афтæмæй республикæйы ныггуырдты нымæц фæронимæ абаргæйæ зынгæ фæфылдæр. Ныхас цыди сидзæр сывæллæттыл дæр. Министры ныхæстæм гæсгæ, цæрæнуæттæ райсынмæ рады лæууынц мин æмæ 5 сæдæ адæймаджы. Ивгъуыд азы сæ бартæ æххæстгонд æрцыдысты 89 адæймагæн. Рады чи лæууы, уыдонæй æппæты фыццаг хæдзæрттæ дæтдзысты сæрмагонд операцийы архайджыты сидзæр сывæллæттæн.
