18 апреля 2014, 11:16
Йæ 75 азы юбилей сбæрæг кодта Дзæуджыхъæуы 30-æм астæуккаг скъола
Ацы ахуыргæнæндонæн ис хъæздыг æмæ цымыдисаг истори. Каст æй фесты бирæ хъуыстгонд адæм. Сæ иуы номыл скъолайы байгом кодтой мемориалон фæйнæг.
Ацы ахуыргæнæндонæн ис хъæздыг æмæ цымыдисаг истори. Каст æй фесты бирæ хъуыстгонд адæм. Сæ иуы номыл скъолайы байгом кодтой мемориалон фæйнæг. Профессор, медицинон наукæты доктор, Советон Цæдисы паддзахадон премийы лауреат Саламты Хъауырбег ацы скъола каст фæци 1967-æм азы. Æппæт дунейы зындгонд ахуыргонд наукон куыстытæ фыста уырыссагау æмæ англисагау. Йе рхъуыдыты тыххæй райста 20 патенты. Ацы ахуыргæнæндонæй ма рацыдысты политиктæ, спортсментæ æмæ нывгæнджытæ. Уæвгæ та йæ фыццаг рауагъд уыд 1941-æм азы. Хæсты рæстæг скъолайы бæстыхайы уыд госпиталь. 30-æм скъолайы юбилейы кадæн арæзт æрцыд бæрæгбоны концерт. Хуыздæр ахуыргæнджытæн Дзæуджыхъæуы администрацийы сæргълæууæг Дзантиаты Сергей æмæ ахуырады æмæ наукæйы министр Огъуаты Алан радтой грамотæтæ æмæ арфæйы фыстæджытæ.
темæмæ гæсгæ
