12 августа 2014, 17:26
Йæ бырæттæ контейнерты кæнæ бæлвырд бынæтты чи нæ кала, уыдон æфхæрд æййафдзысты административон æгъдауæй
Дзæуджыхъæуы административон-техникон инспекцийы кусджытæ горæты уынгтыл сарæзтой рейд. Куыд сбæрæг кодтой, афтæмæй æппæтæй фылдæр æмæ арæхдæр санитарон домæнтæ не ххæст кæнынц амалхъом адæм. Фæлæ цæрджытæй дæр бирæтæ домæнтæ не ххæст кæнынц.
Сыгъдæгдзинады домæнтæ – закъонмæ гæсгæ. Йæ бырæттæ контейнерты кæнæ бæлвырд бынæтты чи нæ кала, уыдон æфхæрд æййафдзысты административон æгъдауæй. Фылдæр æргом здæхт цæудзæн афтекты æмæ амалхъом адæмы архайдмæ.
Дзæуджыхъæуы административон-техникон инспекцийы кусджытæ горæты уынгтыл сарæзтой рейд. Куыд сбæрæг кодтой, афтæмæй æппæтæй фылдæр æмæ арæхдæр санитарон домæнтæ не ххæст кæнынц амалхъом адæм. Фæлæ цæрджытæй дæр бирæтæ домæнтæ не ххæст кæнынц.
Рейды рæстæг æгъдаухалджытæй кæй сбæрæг кодтой, уыдонмæ арвыстой ивары гæххæттытæ. 2 мæймæ сæ хъуамæ бафидой банчы. Цæрджытæн ивары бæрц у 1000 сомæй 2000 сомы онг, амалхъом адæмы æмæ организациты та закъонхæлды тыххæй ивар фидын бахъæудзæн 5000 сомы бæрц.
Инспекторты ныхæстæм гæсгæ ахæм рейдтæ къуыри 2 хаттæй къаддæр нæ кæндзысты.
темæмæ гæсгæ
