филиал вгтрк государственная телерадиовещательная компания “Алания”

Профессор, филологон наукæты доктор, бирæ паддзахадон премиты лауреат. Никъалайæн йæ наукон фæллæйттæ сты бирæ. Скъоладзаутæ ирон æвзаг ахуыр кæнынц йæ чингуытæм гæсгæ. Ахуыргондæн йæ цардвæндаг уыд уæззау, фæлæ цымыдисаг. Фыдыбæстæйы Стыр хæсты архайæг Уæлахизыл сæмбæлд Австрийы. Фæстæдæр хæствæллад лæппу ахуыр кæнынмæ бацыд Тифлисы университетмæ, сси уырыссаг филологийы студент. Фæлæ зæрдæйæ та уарзта ирон æвзаг. Тифлисы университеты фæстæ Гæбæраты Никъала каст фæци аспирантурæ, фæстæдæр бахъахъхъæдта иу диссертаци, уый фæстæ дыккаг, куыста Хуссар Ирыстоны педагогон институты, стæй Хуссар Ирыстоны наукон иртасæн институты. Йæ æппæт æнтыстдзинæдтæй та сæйрагдæрыл нымадта «Ирон æвзаджы æмбарынгæнæн дзырдуат». У 4 томы, фæлæ дзы мыхуыры нырмæ рацыд 2.

Никъалайы чи зыдта, уый дзы æрмæстдæр зæгъдзæн куыд хæларзæрдæ æмæ рæдау адæймаг. Фæллойуарзаг æмæ æмгарджын.