Ирон театры ирддар стъалытай иу саразта 100 суратма хастаг
Йа цардай ахицан Уарасейы Федерацийы сгуыхт, Цагат Ирыстоны адамон артист Бытъаты Роберт. Ирон театры ирддар стъалытай иу саразта 100 суратма хастаг. Хъазыд куыд сценайы, афта кинонывты дар. Уыд Цыколайы адамон театры разамонаг. Кодта талмац ама спектакльтам фыста зарджыта. Бытъаты Роберт йа цардай ахицан йа фастаг роль каронма на ахъазгайа. Абон Табахсауты Балойы номыл ирон академион театр йа радон сезон байгом кандзан зындгонд актеры номыл минут адзамай алаугайа. Спектакль Ричард артыккаджы граф Оксфорды сурат уыд фастаг Бытъаты Роберт йахиуыл кай абарста, уыдонай.
Бытъаты Роберт сценайы, Роберт кинойы, Роберт телеуынанады диктор, ама радиобакастыты. Стыр курдиаты хицау канд йа хъаласай дар адаймаджы уацары иста.
Бытъаты Роберт хауы уыцы фалтарма, кацыта арвыстой аххормаг сабийы бонта. Райгуырд Фыдыбастайы Стыр хастан йа цахары – 1943-ам азы 20-ам мартъийы Сындзыхъауы. Хасты фаста уаззау азтай та йа зардыл бадардта са хъауы телыхъад ама дзы алы сабат дар боны 2 сахатыл уыд литературон радиобакаст. Амыдтой йа ахам зындгонд адам куыд Цырыхаты Петр, Икъаты Серафин, Цалыккаты Маирбег, Мерденты Юрий. Уыдоны хъаласта йын бауарзын кодтой театр. Фала йам сцена каст куывддонау ама йам бира азты йа ныфс на бахаста. Уый хыгъд, скъолайы фаста бацыд Педагогон институты физикон хъомылады факультетма. Бонай студент, изарай та театрдзау. Уый фаста фсады служба анахъан 3 азы.
Театрма та арбацыд 29 аздзыдай. Раздар уыд аххуысганаг къордима. Фала йа куырдиат куы федтой уад йын радтой роль дар.
Иу сурат ивта иннайы. Хугаты Георы пьеса «Цыппар хъысматы» Дарданела, Айларты Асахматы «Фаззыгон дидинджытай» – Саукудзы сурат. Туаты Дауыты пьеса «Пашайы фандонай» -Цола. Годжысаты Исахъы «Хъаддаг чызджы» та ахъазыд шофыры. Амтгай 48 азма йахиуыл сбарста 100 сураты барц. Уыдоны хсан Кад театрма йа фандаг зын ама даргъватин уыд, уад кино та йа йахадаг равзарста – «Буйный Терек», «11 писем богу», «Ласточки прилетели». Уарасейаг кинонывта «Убойная сила». «Женский роман» ама афта дарддар.
Абон Табахсауты Балойы номыл ирон академион театры хъуама спек такль Ричард 3-агджы ахъазыдаит граф Оксфорды, фала уый хыгъд актерта са ног театралон сезон байгом кандзысты Бытъаты Роберты рухс ном минут адзамай алаугайа.
Роберт йахадаг куыд загъта, афтамай йа аллы рольма дар каст куыд хи хъабулау, уарзта йа ама архайдта, цамай баззайащ адамы зардаты.
Бираварсыг курдиаты хицау ирон академион ама Дыгурон театрты сценаты йахадаг дар савардта спектакльта. Уыд Цыколайы адамон театры разамонаг. Ирон авзагма сталмац кодта Мольеры, Филатовы. Цалдар спектакльма йахадаг ныффыста зарджыта дар. Уыд Цагат Ирыстоны телеуынынады диктор дар.
Цагат Ирыстоны адамон ама Уарасейы Федерацийы сгуыхт артист Бытъаты Робертыл цыд 77 азы. Аргомзарда, ныфсхаст, ирон ладжы номы аккаг, агъдауджын ама кадджынай ныууагъта а дунейы ирон аивады ирддар стъалытай иу Бытъаты Роберт.
