Толасты Дианæ у адæмты хсæн вокалон конкурсты уæлахиздзау
Йæ курдиатæн арæнтæ кæмæн нæй, ахæм зарæггæнæг. Толасты Дианæ у адæмты хсæн вокалон конкурсты уæлахиздзау. 2020-æм азы сси Муслим Магомаевы номыл культурон – музыкалон бынты фонды стипендиат, уый фæстæ та йæ фæхуыдтой театр «Ног оперæ»-мæ. Ныридæгæн цæры æмæ кусы Мæскуыйы. Курдиатджын чызджы сфæлдыстадон фæндаджы тыххæй бæлвырддæр радзурдзæн нæ уацхæссæг Тъехты Элинæ.
Театр «Ног оперæ»-йы солисткæ Толасты Дианæйæн йæхи сусæгдзинæдтæ ис, цæмæй адæмы зæрдæтæм фæндаг ссара, уый тыххæй. Йæ меццо – сопрано айзæлы æнæхъæн концертон залыл. Оперон зарæггæнæджы сценæйæ æнæ къухæмдзæгъдæй никуы ауадзынц.
Францусаг, италиаг æмæ немыцаг. Адæймагмæ фæкæсы, цыма Дианæйы курдиатæн арæнтæ дæр нæй, уыйау. Зары фæсарæйнаг æвзæгтыл дæр. Йæ хъæлæсы ахорæнтæ æмæ гæнæнтæ базыдта йæ ахуыргæнæджы руаджы – зæгъы чызг.
Рæсугъд зарды бындур у бирæазон куыст. Вокалон зындзинæдтæй дарддæр ма зарæггæнæг йæхи атигъ кæны бирæ цæмæйдæрты. Зæгъæм, хъæлæсыл æвзæр ахады уазал дон, сæлдæг æмæ афтæ дарддæр.
Толасты Дианæ зарыд Уæрæсейы хуыздæр сценæты. Йæ зарджытæ айзæлыдысты дунейы стыр фæзты дæр. 9 азы размæ йæ хъæлæсы тых бафæлвæрдта бирæ æнусон Колизейы. Уæдæ йын йæ курдиатмæ æрыхъуыстой Гæлиаты хæхтæ дæр. Зарæггæнæг дарддæр дæр фæнд кæны дунейы театралон сценæты бæрзæндтæм хизын. Фидарæй нæ уырны, кæй йын бантысдзæн, уый.
