18 мая 2022, 10:23
Йæ цардæй ахицæн Фыдыбæстæйы Стыр хæсты архайæг Хуыбаты-Амирова Варварæ
Легендарон «Чижик», афтæ йæ хуыдтой йæ хæстон хæлæрттæ, йе фсæддон хæс æххæстæй бафыста
Йæ цардæй ахицæн Фыдыбæстæйы Стыр хæсты архайæг Хуыбаты-Амирова Варварæ. 17 азы йыл куы цыд, уæд ацыд фронтмæ. Уыд снайпер. Легендарон «Чижик», афтæ йæ хуыдтой йæ хæстон хæлæрттæ, йе фсæддон хæс æххæстæй бафыста. Уæгъд кодта Кавказ, Новороссийск, Керчь. Йæ хæдзармæ сыздæхт старшинайы цины. Хорзæхгонд æрцыд Фыдыбæстæйы Стыр хæсты фыццаг къæпхæны орденæй æмæ æфсæддон сгуыхтдзинады тыххæй майданæй. Уæлахизыл Варварæ сæмбæлд йæ хæдзары, Ногиры. Хæстон цаутæ мысын нæ уарзта. Дзырдта æрмæст сабыр царды тыххæй. Хæсты фæстæ «Чижик» ацыд ахуыргæнæгæй кусынмæ Томскмæ, стæй та Астæуккаг Азимæ. Хуыбаты-Амирова Варварæйыл цыд 95 азы.