Уыдонæй 70 азы сбаста Евгений Вахтанговы номыл Академион уырыссаг театримæ
Йæ цардæй ахицæн Уæрæсейы Федерацийы æмæ Цæгат Ирыстоны Адæмон артисткæ, рæсугъд æмæ ирд актрисæ Хуыгаты Валерия. Цыди йыл 97 азы. Уыдонæй 70 азы сбаста Евгений Вахтанговы номыл Академион уырыссаг театримæ. Йæ сценæйы ахъазыд 200 ролæй фылдæр. Ирд сурæттæ бауарзтой алы фæлтæрты театрдзаутæ. Се хсæн Хетæгкаты Къостайы Фатимæ, Шекспиры Катаринæ, Федерико Гарсиа Лоркайы Бернарда. Хуыгаты Валерия хорæзхджынгонд æрцыд «Кады Нысаны» Орденæй, «Ирыстоны Намысы» майданæй, стæй ма уыд Хетæгкаты Къостайы номыл паддзахадон премийы лауреат. Уырыссаг театры аивадон разамонæг Владимир Уваров куыд радзырдта, афтæмæй ныгæд æрцæудзæн Цæгат Ирыстоны. Саударæн мадзæлттæ ацæудзысты театры.
