Уыдис Фыдыбæстæйы Стыр хæсты ветеран, историон наукæты доктор, Цæгат Кавказы рагондæр архитектортæй иу
Йæ цардæй ахицæн зындгонд ахуыргонд Владимир Кузнецов. Цыди йыл 96 азы. Уыдис Фыдыбæстæйы Стыр хæсты ветеран, историон наукæты доктор, Цæгат Кавказы рагондæр архитектортæй иу. Уымæй дарддæр уыд Аланийы историйы раззагдæр специалист, 200 наукон куысты автор, Цæгат Кавказы федералон зылды æмæ Цæгат Ирыстоны кадджын гражданин. Ахуыргонды хæстæджытæн тæфæрфæс ракодта республикæйы Сæргълæууæг Сергей Меняйло: «Мах арæх æмбæлдыстæм Владимир Кузнецовимæ. Кæдфæндыдæр дис кодтон йæ миддунейыл, йæ цардбæллондзинадыл, стæй йæ равзæрст хъуыддаг куыд бирæ уарзы, ууыл. Ныр нæ астæуæй фæцух ис. Рухсаг уæд», – ныффыста Сергей Меняйло. Владимир Кузнецовы наукон фæллæйттæ сты дæнцæгæн хæссинаг. Сæ фæрцы зынгæ фæхъæздыгдæр нæ бæстæйы зонадон хæзнадон.
