У Цæгат Ирыстоны паддзахадон филармонийы аивадон разамонæг, республикæйы композиторты цæдисы сæрдар
Абон йæ юбилей бæрæг кæны советон æмæ Уæрæсейаг композитор, дирижæр, æхсæнадон архайæг, ахуыргæнæг Махъоты Ацæмæз. У Цæгат Ирыстоны паддзахадон филармонийы аивадон разамонæг, республикæйы композиторты цæдисы сæрдар. Йе сфæлдыстадон фæндаг хъæздыг у бирæвæрсыг аивадон æнтыстдзинæдтæй. У 5 симфонийы, 2 оперæйы, 3 мюзикл æмæ 4 концерты автор. Махъоты Ацæмæз ныффыста вокалон, хоры, камерон æмæ программон музыкæйы уацмыстæ, у цалдæр кинонывы æмæ 50 спектаклы музыкæйы автор. Уымæй уæлдай у Цæгат Ирыстон Аланийы республикæйы паддзахадон гимны автортæй иу.
1989 азы ссис Уæрæсæйы композиторты цæдисы уæнг. Нæ бæстæйы культурæмæ стыр æвæрæн кæй бахаста, уый тыххæй Махъоты Ацæмæзæн саккаг кодтой Уæрæсейы культурæйы сгуыхт архайæджы ном. Уымæй уæлдай у Хетæгкаты Къостайы номыл премийы æртæ хатты лауреат.
