Фæззæджы йыл æххæст кæны 30 азы. Йæ хъомылгæнинæгты хсæн ис 14 паралимпаг æмæ сурдлимпаг чемпионы.
Йе нæниздзинад хъыгдард кæмæн у, ахæм фæсивæдимæ кусынц спортивон скъола «Стимул»-ы. Фæззæджы йыл æххæст кæны 30 азы. Йæ хъомылгæнинæгты хсæн ис 14 паралимпаг æмæ сурдлимпаг чемпионы. Сывæллæтты футболон командæ та у Уæрæсейы ерысты бирæ хæттыты уæлахиздзау. Футболæй дарддæр ма скъолайы ис æндæр спорты хуызтæ дæр: фехтовани, пауэрлифтинг, паратхеквондо, рог атлетикæ æмæ æндæртæ.
Кочысаты Сосланæн футбол æрмæст хъазт нæу, фæлæ, зæгъæн ис, æмæ йæ цард дæр. Спортивон карьерæмæ бæллыд йæ сабибонтæй фæстæмæ. Гыццылæй дæр йæ пурти уыди йæ разæй. æмæ уый, йæ низ нæ хынцгæйæ. Сослан рынчын у церебралон параличæй.
Ацы хъазты уæлахизыл банымайæн ис уый, æмæ дзы архайыны бон кæй у. Кочысаты Сосланимæ низы ныхмæ тох кæнынц æндæр лæппутæ дæр. Иу къахдзæф иннæйы фæдыл, иу тренировкæ ивы иннæйы, æмæ афтæмæй лæппутæ æвдисынц – уд фидар куы уа, уæд цыфæнды цæлхдурты сæрты дæр ахизæн ис. Ахæм фæсивæдимæ кусынц спортивон скъола «Стимул»-ы. Церебралон параличæй рынчынтимæ тренировкæтæ кæнын æнцон нæу, фæлæ сæ алкæимæ дæр кусынц хицæнæй, ома низы къæпхæнмæ гæсгæ.
Ацы фæззæджы спортивон скъола «Стимул»-ыл æххæст кæны 30 азы. Йæ хъомылгæнинæгты хсæн ис 14 паралимпаг æмæ сурдлимпаг чемпионы. Сывæллæтты футболон командæ та у Уæрæсейы ерысты бирæ хæттыты уæлахиздзаутæ. Ныртæккæ скъолайы архайынц 200 лæппуйæ фылдæр. Футболæй дарддæр ма сæм ис æндæр спорты хуызтæ: фехтовани, пауэрлифтинг, паратхеквондо, рог атлетикæ æмæ æндæртæ.
Цæгат Ирыстоны параспорт рæзын кæныныл архайынц активисттæ дæр. Инвалидты регионалон æхсæнадон организаци «Независимая жизнь»-ы фæрцы нæ республикæйы царды уадзынц футболы æппæтдунеон организаци ФИФА-йы проект – «Футбол во имя надежды».
«Стимул»-ы хъомылгæнинæгтæм разæй æнхъæлмæ кæсынц радон ерыстæ. Июлы Йошкар-Олайы уыдзæн æртыккаг Æппæтуæрæсеон сæрдыгон спартакиадæ инвалидты хсæн. Уым фыццаг хатт уыдзысты футболæй ерыстæ. Турнирмæ ма баззад цалдæр къуырийы, нырта уал æвзонг спортсментæ сæ фæлтæрддзинадыл æфтауынц нысанмæ арæзт хъæзтыты. Уыимæ æркæсинаг у се спортивон кусæнгæрзты хæрзхъæддзинад. Баивинаг у футболон хыз. Чи зоны æмæ уый бантысдзæн спортивон скъолайы юбилеймæ, кæнæ та раздæр.
