Боситы Агуыбейы бирæтæ сæхицæн хæссынц дæнцæгæн
Йе нæниздзинад кæд фидар нæу, уæддæр удыхъæдæй фиддар. Боситы Агуыбейы бирæтæ сæхицæн хæссынц дæнцæгæн. Бирæ азты лæппу тренировкæтæ кæны фæлтæрдджын спортсменты æмрæнхъ. Фитнес-залы йæхи цæмæй хорз æнкъара, уый тыххæй йæ бахъуыд дзæвгар рæстæг. Фæлæ къахыл фидар лæууын æмæ æнæ æххуысæй цæуын, уыцы хъуыды йын йæ тыхыл тых æфтыдта, æмæ куыд уынæм, афтæмæй хуымæтæджы нæ. Касаты Наирæ – бæлвырддæр.
Боситы Агуыбе алы фæлтæрæны дæр архайы фылдæр хатт скæныныл. Радон тренировкæты та нормæйæ фылдæр фæлтæрæнтæ скодта. Фæлæ уыцы-иу рæстæг йæхи дæр хъахъхъæны, куыд зæгъы, афтæмæй организмыл хъæуы ауæрдын. Афтæмæй гæнæн ис, æмæ адæймаг бирæ азты цæуыл кусы, уыдон фæдзæгъæлы уыдзысты. Агуыбе 7 азы æрвылбон цæуы спортивон залмæ. Фæлæ спортæй архайын райдыдта дзæвгар раздæр.
Йе нæниздзинад зæрдæйы фæндон кæй нæу, уый ууыл дзурæг нæу, æмæ Агуыбейæн спорты йæхи равдисынмæ фадат нæй. Бирæ азты æнтыстджын тренировкæтæ сæхи равдыстой. Йе нæниздзинад бæлвырд фæхуыздæр. Фæфидардæр сты йæ нуæрттæ.
Фитнес центрмæ Агуыбе цæуы къуыри дыууæ хатты. Архайы, йе нæниздзинад фидар кæмæн у, ахæмты æмрæнхъ. Бирæтæн дзы сси дæнцæгæн хæссинаг.
Агуыбейы уырны, тренировкæтæ йын йе нæниздзинадыл ноджыдæр тынгдæр кæй фæбæрæг уыдзысты, æмæ æнæ æххуысæй кæй цæудзæни, уый. Бæллы йæхи боксы рингы дæр бафæлварынмæ.
