филиал вгтрк государственная телерадиовещательная компания “Алания”

00:27 среда, 25 июня 2025
09 декабря 2013, 11:27
Кæронмæ æрхæццæ театралон фестиваль «Сценæ æнæ арæнтæй»

Кæронмæ æрхæццæ театралон фестиваль «Сценæ æнæ арæнтæй». Фестивалы фæстаг бон Киноактеры мæскуыйаг театры артисттæ равдыстой, цыппор æртæ азы кæуыл цæуы, уыцы спектакль «Дурочка».

Кæронмæ æрхæццæ театралон фестиваль «Сценæ æнæ арæнтæй»

Кæронмæ æрхæццæ театралон фестиваль «Сценæ æнæ арæнтæй». Фестивалы фæстаг бон Киноактеры мæскуыйаг театры артисттæ равдыстой, цыппор æртæ азы кæуыл цæуы, уыцы спектакль «Дурочка».

Сæвæрдта йæ Уæрæсейы аивæдты сгуыхт архайæг Евгений Радомысленский. Сæйраг ролы дзы хъазы Екатеринæ Вуличенко. Театрдзаутæ æхсызгонæй сæмбæлдысты, сериал «Воронины»-йы сæйраг архайджытæй иу Екатеринæ Волковайыл дæр. Актрисæ йæхæдæг куыд загъта, афтæмæй Ирыстонмæ ссæуын æрмæст йæ куыст нæ уыд, фæлæ ма йе ‘мкурсонтимæ æхсызгон фембæлд дæр.
Классикæ æмæ нырыккон пьесæтæ. Географи æмæ æвзæгтимæ зындзинæдтæ ацы фестивалы ферох сты. Къуырийы размæ йæ байгом кодтой Расул Гамзатовы сценикон композицийæ. Фæци та Лопе де Вегайы уацмысæй. Æнæнхъæн къуыри дзæуджыхъæуккаг аивадуарзджытæ ногæй банкъардтой «Ромео æмæ Джульеттæйы» хъысмæты зындзинад, зæрдиагæй бацин кодтой Ирон, Дыгурон, Балхъайраг æмæ Адыгейаг театртыл. Уæдмæ та ахсджиаг куыст кодтой жюрийы уæнгтæ. Хуыздæрты равзарын тынг зын уыди. Жюрийы сæрдар Сæлбиты Аким куыд загъта, афтæмæй национ театрты фæлтæрддзинад рæзы. Афтæмæй хуыздæр спектаклыл банымадтой ирон академион театры спектакль «Ромео æмæ Джульеттæ». Йæ режиссер у Дзуццаты Тамерлан. Сылгоймаджы хуыздæр роль æрхауд Хъалмыхъхъы театры актрисæ Тамарæ Палтыновамæ. Нæлгоймаджы хуыздæр роль та никæмæн радтой. Уымæн æмæ уыцы номы аккаг цалдæрæй уыдысты. Жюрийы сæрмагонд приз радтой Зуральби Зеховæн. Ахъазыд Труффальдинойы роль. Хуыздæр дуэттыл нымад æрцыдысты Пæррæстаты Димæ æмæ Бибылты Сослан хуссарирыстойнаг театрæй, стæй Уалыты Гиви æмæ Моргуаты Камиллæ ирон академион театрæй. Сæрмагонд призты аккаг ма систы Битарты Алыксандр æмæ Хадаты Альберт.

темæмæ гæсгæ
vgtrk_alania
vgtrk_alania
vgtrk_alania
vgtrk_alania