Уымæ гæсгæ, Цæгат Ирыстоны æнæнхъæлæджы уавæрты фæтк дæр ивд нæма рцыд, ууыл ныхас цыди аппаратон æмбырды
Кæд боныхъæд фæхуыздæр, уæддæр митæруарды фæстиуджытæ æххæстæй иуварсгонд нæма æрцыдысты. Уымæ гæсгæ, Цæгат Ирыстоны æнæнхъæлæджы уавæрты фæтк дæр ивд нæма рцыд. Ууыл ныхас цыди аппаратон æмбырды. Сергей Меняйло профилон министрадмæ фæсидт, цæмæй регионы уавæрæн скæной аккаг аргъ. Фæндæгты хæдзарады комитетæй бадомдта, федералон фæндæгтæ ныссыгъдæг кæнын æмæ сыл сæрмагонд змисæзмæст ныккæнын. Ныхас цыди «Уæллаг Ларс»-ыл дæр. Гом у транспорты æппæт хуызтæн. Республикæйы фæндæгтыл сæмбырд 1745 уæзласæн машинæйы, уыдонæй 830 сты сæрмагонд æрлæууæнты. Электрон рады лæууынц 1900 машинæйы. Республикæйы хыгъд æрцыди коронавирусæй 32 ног рынчыны. Гриппы тыххæй æхгæд сты 2 къласы. Республикæйы сæргълæууæг йе ргом аздæхта 6 сæдæ социалон объектæй дондзæуæн хызты куыстуаты бæрны лæвæрд æрцыдысты æрмæстдæр 84. Сергей Меняйло бадомдта, ацы уавæрыл 28-æм декабры онг бакусын.
