Номинаци «Видеоролик или мультфильм о слове из Гимна России»-йы фыццаг бынат бацахста Ногиры 2-æм скъолайы кадетон къласы ахуырдзау Хуыгаты Нинæ
Патриотон æнкъарæнтæ гуырын кæнын, æмæ райгуырæн бæстæ уарзын. Ахæм у Уæрæсейы Гимны сæйраг хъуыдытæй иу. Кæронмæ æрхæццæ 7-æм Æппæтуæрæсеон конкурс «Уæрæсейы Гимн æмбæрстгонд дзырдтæй». Уæлахиздзаутæн кад кодтой Мæскуыйы, уæрæсейаг æфсады Центрон хæдзары. Финалмæ хаст æцрыдысты 3 мин куыстæй фылдæр. Номинаци «Видеоролик или мультфильм о слове из Гимна России»-йы фыццаг бынат бацахста Ногиры 2-æм скъолайы кадетон къласы ахуырдзау Хуыгаты Нинæ. Йæ разамонæг у офицер-хъомылгæнæг Тедеты Феликс. Фидараты Маринæ радзурдзæн бæстондæр.
Ацы æнкъарæнтæ Хуыгаты Нинæ йæ зæрдыл, æнæмæнг, бадардзæн. Уæрæсейы Гимны конкурсы бацархайдта йæ разамонæг Тедеты Феликсы фæндонмæ гæсгæ. Æмæ йын бантыст дыккаг хатт уæлахиздзау суæвын. Конкурсы хæслæвæрдмæ гæсгæ, хъуыди Уæрæсейы Федерацийы гимны ныхæстæ райсын, йæ мидис æмæ йын йæ равзæрд раиртасын. Хуыгаты Нинæ уыцы хæслæвæрд сæххæст кодта иттæг хорз.
Кадджын уавæр æмæ ирд æнкъарæнтæ. Уæлахиздзаутæн кад кодтой Мæскуыйы, Уæрæсейы æфсады Центрон хæдзары. Конкурсæн ис æппæтадæмоны статус. Архайдтой дзы канд Уæрæсейы скъоладзаутæ нæ, фæлæ ма хæстæг фæсарæнты минæвæрттæ дæр. Æдæппæтæй 4 номинацийы, æмæ сæ алкæцыйы дæр фæйнæ 3 мин куыстæй фылдæр. Нинæ йæ конкурсон куыстæн равзæрста дзыр «Цæдис». Йæ хъæппæрисыл ахъуыды кæнгæйæ, æмæ текст ныффысгæйæ æрбацыд йæ разамонæгмæ. Иумæ уыцы хъуыды кæронмæ ахæццæ кодтой, ныффыстой видеоролик. Афтæмæй систы уæлахиздзаутæ.
Конкурс уыд егъау. Се сфæлдыстадон куыстытæ йæм æрбарвыстой Уæрæсейы 89 регионы минæвæрттæ. Аргъ та сын кодтой фæлтæрдджын жюрийы экспертон советы 135 уæнджы.
Конкурс арæзт æрцыд 7-æм хатт. Сæйраг хæрзиуæг уæлахиз нæ уыд, фæлæ рæзгæ фæлтæрмæ патриотон æнкъарæнтæ гуырын кæнын. Уæлдайдæр та райгуырæн бæстæйы Гимн сахуыр кæнын. Алы дзырды æмæ алы хъуыддаджы дæр æвæрд ис адæмы зондахаст.
