Райдыдта ацы азы райдиан æмæ баст уыд номдзыд поэты, фыссæджы æмæ нывгæнæджы 160 азы бонимæ
Кæронмæ æрхæццæ æппæтадæмон акци «Кæсæм Къостайы». Райдыдта ацы азы райдиан æмæ баст уыд номдзыд поэты, фыссæджы æмæ нывгæнæджы 160 азы бонимæ. Хетæгкаты Къостайы кадæн æппæтадæмон акци æмæ флеш-моб райдыдтой социалон хызтæй «Instagram» æмæ «Facebook»-æй. Йæ саразыныл та бакуыста Национ наукон библиотекæйы бæстæзонæн хайад. Акцийы бацархайдтой дæсгай мин адæймаджы. Чи социалон хызты, чи та комкоммæ бастдзинады фæрцы. 120 адæймаджы, се хсæн 37 фæсарæйнаг бæстæйы, æмæ Уæрæсейы 79 горæты минæвæрттæ бакастысты Къостайы æмдзæвгæ «Ныстуан». Ратæлмац æй кодтой дунейы 105 æвзагмæ. Æмдзæвгæ аив бакæсынæй сæхи бафæлвæрдтой Хуссар Ирыстоны президент Бибылты Анатолий, актер Кочиты Ацæмæз, Эстонийы адæмон поэт Владимир Илляшевич, Бурятийы адæмон поэт Николай Шабаев. Акцимæ социалон хызты бæстон сæ цæст дардтой Национ наукон библиотекæйы бæстæзонæн хайады специалисттæ.
