Ныры онг Дзæуджыхъæуы балæвæрдтой 4000 курдиаты онг
Кæронмæ æрхæццæ фыццæгæм къласмæ гæххæтытæ исæн рæстæг. Ныры онг Дзæуджыхъæуы балæвæрдтой 4000 курдиаты онг. Пресс-конференцийы журналисттæн бæлвырд дзуæппытæ радта республикæйы ахуырады æмæ наукæйы министры хæстæ рæстæгмæ æххæстгæнæг Людмила Башарина. Куыд радзырдта, афтæмæй фаронæй фæстæмæ кусы гæххæттытæ исæн ног фæтк. Уымæ гæсгæ хуыздæр уавæртæ ис, сæ хистæр хотæ æмæ æфсымæртæ бæлвырд районты скъолаты кæмæн ахуыр кæнынц, ахæм сабитæн. Дзæуджыхъæуы ис скъолатæ, ныййарджытæ фылдæр кæй уарзынц. Министрады зæгъынц, уый дæргъвæтин боны фæтк кæм вæййы, уыцы скъолатæм хауы. Гæххæттытæ исæн рæстæджы дыккаг къæпхæн райдайдзæн 5-æм июлы. Уыцы бон, фылдæр курдиæттæ цы скъолатæм бацыд, уыдоны кусдзысты ахуырады министрады специалисттæ.
