Специалисттæ скусын кæнынмæ цæттæ кæнынц бæндæнæй конд 2 фæндаджы
Кæронмæ фæхæццæ кæны рекреацион комплекс «Мамысон»-ы арæзтады фыццаг къæпхæн. Специалисттæ скусын кæнынмæ цæттæ кæнынц бæндæнæй конд 2 фæндаджы. Ныридæгæн цæттæ у парковкæ 450 бынатæн, стæй сæрмагонд техникæйæн гараж. Фыццаг туристтыл сæмбæлын ам фæнд кæнынц азы кæрон. Бæлвырддæр радзурдзæн Хъайтмазты Дзерассæ.
Митын къуылдымты *хсæн – цырæгътæ, лæгъз асфальт æмæ ног хахгонд нысантæ. Денджызы æмвæзады сæрмæ 2 мин 900 метры бæрзæндыл нырыккон парковкæ æнхъæлмæ кæсы хæххон курорт «Мамысон»-ы фыццаг туристтæм.
Бæндæнæй конд сæйраг фæндаджы гондолæтæ хъуамæ афæдзы кæрон бæрзæндтæм сисой спорты зымæгон хуызтæ чи уарзы, уыдоны. Æппæт лини æмбырд у, станцæтæ цæттæгæнæн куыстытæ фесты. Ацы объект цæттæ у 90 процентæн.
Курорты арæзтады размæ археологон куыстыты рæстæг специалисттæ сбæрæг кодтой арæзтад Дамбадели, гæнæн ис æмæ чырыстон у, стæй 7-æм-9-æм æнусты дзæппаз.
Къуылдымтыл инженерон инфраструктурæ ныридæгæн кусы, трансформаторон дæлстанцæтæ сæвæрдтой. Сервисон центры арæзтадон куыстытæ сæ тæмæны сты.
Ацы аз хъуамæ курорты фыццаг уазджытæ аргъ скæной, цы куыстытæ дзы æххæстгонд æрцыдысты, уыдонæн.
