Райдыдтой 2019-æм азы, республикæйы транспорты æмæ фæндаггон инфраструктурæйы Комитеты заказмæ гæсгæ
Национ проект «Æдас æмæ хæрзхъæд фæндæгтæ» æххæст кæнгæйæ, кæронмæ фæхæццæ кæнынц, Мичурины иувæрсты цæуæг фæндаджы арæзтады куыстытæ. Райдыдтой 2019-æм азы, республикæйы транспорты æмæ фæндаггон инфраструктурæйы Комитеты заказмæ гæсгæ. Хъæуты иувæрсты цæуæг фæндæгтæ аразгæйæ æдасдæр кæны фæндаггон змæлд. Ууылты фæцæуы транзитон транспорт. Уый фæрцы хуыздæр кæны экологон уавæр дæр, стæй ма уæзласæн транспорт равдисы йæ экономикон ахадындзинад. Мичурины иувæрсты цæуæг фæндаг хауы 1-Б категоримæ. Арæзт у дыууæ фарсæй. Проектмæ гæсгæ, трассæйы дæргъ у 5 километры æмæ 648 метры. Фæндаджы бын сæвæрдтой дондзæуæн хæтæлтæ. Электрон тыхдæттæг телтæ æмæ газуадзæн хæтæл раивтой æндæр ранмæ. Ныридæгæн сæвæрдтой асфальт æмæ бетоны 90 мин квадратон метры. Фæндаджы фарс сæвæрдтой уынæр ныллæгдæр кæнæн къул. Йæ дæргъ у 669 метры. Трассæйы фæйнæ фарс та – æфсæйнаг бырутæ. Абоны онг куыстытæ конд æрцыдысты 95% онг. Подрядон организаци канд фæндаг нæ аразы, фæлæ ма зилы æрхизæнтæм дæр. Сæ иумæйаг дæргъ у 2 километры æмæ 600 метры. Фæндаггон кусджытæ æвæрынц нысантæ. Нысантæм гæсгæ, шофыртæ ног фæндагыл абалц кæндзысты цалдæр къуырийы фæстæ. Зæгъдзыстæм ма уый, æмæ ног объект дзуапп дæтдзæн æппæт нырыккон æмæ æдасдзинады домæнтæн.
