Подрядон организаци горæты территорийы сæвæрдта 15 ног, блокæй конд, æмбырдгонд хъармгæнæнтæ
Кæронмæ фæци Алагиры хъармæй ифтонг кæныны системæйы рацарæзт. Подрядон организаци горæты территорийы сæвæрдта 15 ног, блокæй конд, æмбырдгонд хъармгæнæнтæ. Хъармгæнæн объекттæ сты мобилон, бахъуаджы рæстæг сæ ис райхалæн æмæ сæ æндæр бынаты сæвæрын. Объекттæ баиу кодтой æппæт коммуникацитæм. Хъарм, газ, дон, электрон тых – алцæмæй дæр æххæст. Системæ модернизацигонд æрцыди электрон тыхæй ифтонг кæныны домæнтæ æххæстгæнгæйæ. Ныртæккæ специалисттæ кусынц техникон документтæ райсыныл. Уый фæстæ ног хъармгæнæнтæ ратдзысты эксплуатацийы. Амæй размæ Алагиры цæрджыты хъармæй ифтонг кодта 21-æм хъармгæнæн. Кусæнгрæзтæ рæстæджы цыдимæ заууатмæ æрцыдысты, объектты арæх уыди аваритæ, хъармгæнæнты куыст-иу баурæдта. Уымæй уæлдай, объекттæ æдасдзинады домæнтæн дæр дзуапп нал лæвæрдтой.
