«Как сладкую песню отчизны моей, люблю я Кавказ», - ацы рæнхъытæ зындгонд фыссæг, поэт, прозаик æмæ нывгæнæг Михаил Лермонтов ныффыста Кавказмæ хаст куы æрцыд æмæ дзы йæ

13 августа 2014, 12:15

«Как сладкую песню отчизны моей, люблю я Кавказ», – ацы рæнхъытæ зындгонд фыссæг, поэт, прозаик æмæ нывгæнæг Михаил Лермонтов ныффыста Кавказмæ хаст куы æрцыд æмæ дзы йæ

73707

Как сладкую песню отчизны моей, люблю я Кавказ», – ацы рæнхъытæ зындгонд фыссæг, поэт, прозаик æмæ нывгæнæг Михаил Лермонтов ныффыста Кавказмæ хаст куы æрцыд æмæ дзы йæ хуыздæр уацмыстæ куы ныффыста, уæд. Кавказ йæ æгæрон рæсугъд æрдзимæ, адæмы фольклоримæ, сæ царды уагимæ арф фæд ныууагътæ йæ зæрдæйы. Дыууæ хатты уыд Дзæуджыхъæуы дæр.

Зындгонд поэт Михаил Юрийы фырт Лермонтов Дзæуджыхъæуы уыд дыууæ хаты æмæ дыууæ хаты дæр дзы бафæстиаты фæнд нæ кодта. Фыццаг хатт æй ацы ранмæ рарвыстой йæ æмдзæвгæ «Смерть поэта» кæй ныффыста, уый тыххæй. Уый уыд 1837-æм азы. Уæд Дзæуджыхъæуы рæсты цæугæ æхсæвиуат бакодта бæлцæтты фысымуаты, ныртæккæ Пушкины номыл сквер кæм ис, уым. Ацы ран ма йæ рæстæджы æрлæууыд Александ Пушкин дæр, фæлæ фысымуаты тыххæй, стæй уæды рæстæджы царды тыххæй Михаил Лермонтов равдыста поэмæ «Герой нашего времени»-йы .Уæдæ уацау «Бэлæ» хъуыды дæр æм сæвзæрд Дзæуджыхъæуы. Адæмон фольклор та йæ сразæнгард кодта, ноджыдæр иу зындгонд поэмæ ныфыссынмæ.

Бафиппайын хъæуы, уый æмæ Лермонтовы, стæй ирон литературæйы бындурæвæрæг Хетæгкаты Къостайы хъысмæттæ кæрæдзиимæ баст сты. Дыууæ йæ дæр райгуырдысты 15-æм октябры.
Михаил Лемонтовы сфæлдыстад та стыр бынат ахста Къостайы уацмысты.

19-æм æнусы дыккаг хай. Дзæуджыхъæуы байгом фыццаг театр драма «Маскарад»-æй æмæ бирæ азты дæргъы ацы спектаклæй иу байгом театралон сезон. Уæдæ Дарьяны комы фæндаг дæр туристтæн цымыдисаг у æмдзæвгæ Тамарæмæ гæсгæ.

Зæгъын хъæуы уый дæр æмæ ныхас «Осетины», «Осетинцы»-йы бæсты, уырысаг æвзагмæ бахаста Лермонтов.

Æнæмæнг Ирыстоны цæрджытæ сæрбæрзонд сты зындгонд фыссæг йæ рæстæджы дыууæ хатты кæй бабæрæг кодта нæ бæстæ æмæ сæ уырны Дзæуджыхъæуы фæрцы кæй райгуырд роман «Герой нашего времени» æмæ бирæ æндæр уацмыстæ æмæ нывтæ.

Михаил Лермонтов Кавказмæ хаст кæй æрцыд уый йæхæдæг нымайы йæ стырдæр сфæлдысталдон æнтыстдзинæдтыл æмæ йын балæвар кодта ахæм рæнхъытæ
«Как сладкую песню отчизны моей, люблю я Кавказ»

Моргуаты Ладæ