23 декабря 2021, 11:24
Къамисæг Гусаты Алыксандрæн рухс федта йæ ног чиныг «Краткая История Цивилизации»
Хаст æм æрцыдысты йæ хуызистытæ
Къамисæг Гусаты Алыксандрæн рухс федта йæ ног чиныг «Краткая История Цивилизации». Хаст æм æрцыдысты йæ хуызистытæ. Рауагъдады тыххæй къамисæг фехъусын кодта инстаграм-сыфы. «Краткая История» у дыууæ хъуыстгонд авторы – къамисæг Гусаты Алыксандыры æмæ фыссæг Евгений Водолазкины аивадон хатдзæг. Гусаты Алыксандр хъуыстгонд у йæ сау æмæ урс портретон куыстытæй æмæ репортажтæй. Хауы дунейы 20 хуыздæр къамисджыты хыгъдмæ. Чиныджы æмбырдгонд сты дунейы алы бæстæты цы къамтæ иста, уыдон. Къамты фарсмæ та – Уæрæсейы зындгонд нырыккон фыссæг Евгений Водолазкины текстытæ æмæ комментаритæ. Къамтæ æмæ текстытæ баст сты иумæ. Нысантæм гæсгæ æмбырдгонд уæй кæндзысты нæ бæстæйы æппæт чингуытæ дуканиты.
темæмæ гæсгæ
