Ныхас цæуы, хъæдрæбынмæ хæстæг чи цæуы, уыцы фæндаджы хайыл
«Кавказ-Хурыхъæу-Малгобек»-ы фæндаджы иу хай хъыдард баййæфта ламидæттæй. Ныхас цæуы, хъæдрæбынмæ хæстæг чи цæуы, уыцы фæндаджы хайыл. Ныппырх асфальтæй уæлцъар. Аварион уаццаг у æхгæд, фæлæ уый хыгъд фæндагæй пайдагæнæн ис фæткмæ гæсгæ. Куыддæр дзы мит атайа, æмæ фæхстæ бахус уой, афтæ Краснодары проектон организацийы специалисттæ райдайдзысты хъуыддаг аиуварс кæныныл кусын, загътой республикæйы транспорты æмæ фæндаггон инфраструктурæйы комитеты. Уæ зæрдыл уын æй лæууын кæнын, фæндаджы арæзтад цыди дыууæ къæпхæнæй. 57 километрæй фылдæр, зæгъæн ис, æмæ арæзт æрцыдысты ногæй. Ацы проектæн ис стратегион æмæ экономикон нысаниуæг, фæрæзтæ йын дихгонд æрцыди федералон центрæй. Тынгдæр пырх цы фæндаджы хæйттæ уыдысты, уыдоныл бакуыстой бындуронæй. Ламидæттæй бахъахъхъæныны тыххæй дзы арæзт æрцыди 124 метры дæргъæн цæджындзтæ. 12 километры дзы сæвæрдтой быру, фæндаджы былыл та донымбырдгæнæн фæрæзтæ. Фæндаг байгом кодтой афæдзы размæ, æмæ йын радтой 3-æм техникон категори.
