Архайдтой дзы ацы къабазмæ бардарæг бæрнон кусджытæ, стæй бæстæйы алы регионтæй модельертæ
Кавказаг модæйы къуырийы фæлгæты ацыд рог промышленносты рæзтæн æххуыс кæныны фарстатимæ баст æмбырд. Архайдтой дзы ацы къабазмæ бардарæг бæрнон кусджытæ, стæй бæстæйы алы регионтæй модельертæ. Бæстонæй æрдзырдтой амалхъомдзинадæн æххуыс кæныны фæзилæнтыл. Афтæ, рог промышленносты къабазы 7 æрыгон бизнесменæн радтой 5 сæдæ мин сомæй гранттæ. Амалхъомдзинадæн æххуыс кæныны Фонд кæны лæвар консультацитæ, ахуырадон семинартæ, æххуыс кæны бизнес-пълантæ саразынæн. Кавказаг модæйы къуыри баиу кодта Уæрæсейы æмæ фæсарæнты курдиатджын модельерты, æрмдæсныты, модæйы индустрийæйы специалистты арт-директор Уататы Зæринæ куыд фæнысан кодта, афтæмæй сæйраг нысан – хистæр кары æрмдæсныйады сусæгдзинæдтимæ кæстæр фæлтæры базонгæ кæнын.
