08 сентября 2014, 10:59
Кавказы адæмы культурæйы æмæ спорты фестивалы цæгатирыстойнаг спортсмен Уртаты Ацæмæз армспортæй рамбылдта сызгъæрин майдан
Йæ тыхтæ фæлвæрдта 80 кг онг уæзы. Иумæйаг бæрæггæнæнтæм гæсгæ нæ командæ бацахста 2-аг бынат. Фæстиваль уыд Грознайы Белимхановы номыл стадионы. Хъæзтыты арт кадджын уавæры ссыгъта зындгонд спортсмен Бувайсар Сайтиев.
Йæ тыхтæ фæлвæрдта 80 кг онг уæзы. Иумæйаг бæрæггæнæнтæм гæсгæ нæ командæ бацахста 2-аг бынат. Фæстиваль уыд Грознайы Белимхановы номыл стадионы. Хъæзтыты арт кадджын уавæры ссыгъта зындгонд спортсмен Бувайсар Сайтиев. Уый фæстæ фестиваль кадджын уавæры байгом кодтой Цæцæны республикæйы Сæргълæууæг Рамзан Кадыров, УФ-йы президенты æххæстбарджын минæвар Цæгат Кавказы Федералон зылды Сергей Меликов, Цæгат Кавказы хъуыддæгты фæдыл министр Лев Кузнецов æмæ Уæрæсейы спорты министр Юрий Нагорных. 700 спорсменæй фылдæр ерыс кодтой спорты 10 хуызы: рæттыл хъæбысхæстæй, фатæй æхсæнæй, мини-футболæй, уæзæгтæ исынæй, бæндæн ивазынæй æмæ æндæртæй. Цалынмæ спортсментæ сæ цæттæдзинад æвдыстой, уæдмæ адæмæн фадат уыд национ фынгтæ фенæнын, æмæ стыр фынджы уæлхъус хæрзад хæринæгтæ ацаходынæн. Уымæн дзуапп лæвæрдта базарадон-экономикон техникум, йæ сæргъы зындгонд ресторатор Æбиты Валерий. Ирыстойнаг делегаци фестивалы уазджыты дисы бафтыдта национ музейы фондæй ист историон экспонаттæй дæр.
Лелаты Аркадий, Цæгат Ирыстоны армспортæй иугонд командæйы хистæр тренер: «Нæ лæппутæ сæхи хорз равдыстой. Ис нæм сызгъæрин майдантæ дæр, æвзист дæр, бронзæ дæр рамбылдтам. Иууылдæр сæхи хорз бацæттæ кодтой. Фæлæ сæйрагдæр уый у æмæ ацы бæрæгбон адæмы кæрæдзиуыл кæй бæтты».
Багаты Зæлинæ: «Мах се ппæтæн дæр равдыстам ирон фынджы бæркад. Скодтам чъиритæ. Æмæ нæ фæнды цæмæй чи чи ацахода, уыдон куыд зæгъой- мах ахæм чъиритæ никуы хордтам».
темæмæ гæсгæ
