Цогойты Зауыры кинонывы сюжеты ис цуаноны истори. Агæрах кодта уæлфæдзæхст цæрæгой, æмæ æфхæрд баййæфта æрдзæй. Кинолентæйы мидис райстой Хетæгкаты Къостайы зындгонд уацмыс «Дзæбидырдзуанæй»
Кинойы хæдзары ацыд аивадон киноныв «Цуанон»-ы премьерон равдыст. Ирыстойнаг кинематографийы академийы куыст райста Минскы 31-æм æппæтадæмон кинофестиваль «Листопад-2025»-ы Гран-при «Золото Листопада», стæй фестиваль СТАЛКЕР-ы сæрмагонд приз. Цогойты Зауыры кинонывы сюжеты ис цуаноны истори. Агæрах кодта уæлфæдзæхст цæрæгой, æмæ æфхæрд баййæфта æрдзæй. Кинолентæйы мидис райстой Хетæгкаты Къостайы зындгонд уацмыс «Дзæбидырдзуанæй». Уыимæ кинойы иу дзырд дæр нæй. Йæ арф мидис æвдисæг сты хъайтарты сурæттæ, музыкæ æмæ æнкъарæнтæ. Оператортæ Рубайты Русланы æмæ Дзабиаты Георгийы дæсныйады фæрцы алы кадр дæр æфтауы дисы. Ирыстоны æрдз та – сæйраг таурæгъгæнæг. Киноныв истой Дыгуры æмæ Алагиры районты рæсугъддæр бынæтты. Автор æмæ продюсер у Джиоты Людвиг. Киноисæн къорд 2024-æм азы рамбылдта Президентон фонды культурон хъæппæристы грант.
