Ацы проект Уæрæсейы алы регионтæй журналисттæн фадат дæтты теоретикон зонындзинæдтæ райсынæн, кинематографийы къабазы. Афтæмæй фылдæр кæндзæн кинокритикты æмæ профессионалон журналистты нымæц. Сæ зонындзинæдтæ æмæ фæлтæрддзинадæй сæ хайджын кæндзысты 10 дæсныйады минæвæрттæ. Се хсæн – Уæрæсейы кинематографистты Цæдисы сæрдары хæдивæг, кинодраматургты гильдийы Президент Алексей Алешковский, режиссер Илья КазанкОв æмæ æндæртæ. Регионалон киножурналистикæйы Лабораторийы уал арæзт æрцыдысты театры æмæ кинойы актрисæ Ольга ХОхловайы дæсныйадæвдисæг ахуыртæ. Уый уазджытæн радзырдта йæ дæсныйады сусæгдзинæдты тыххæй. Уымæй дарддæр ма равдыстой Никита Михалковы аивадон киноныв «Неоконченная пьеса для механического пианино». Уыдзæн ма мадзæлтты цикл дæр, æмæ фæуыдзæн 23-æм августы. Кæронбæттæны уыдзæн кинорецензиты кокнурс. Æртæ хуыздæр куысты авторы схорзæхджын кæндзысты æхцайы премитæй.
