филиал вгтрк государственная телерадиовещательная компания “Алания”

Кинойы хæдзары уыд Гулуты Вячеславы киноныв «Почтовый марафон»-ы премьерæ. Дзурæг у 84 аздзыд постхæссæг Дзалаты Екатеринæйы цардвæндагыл. Йæ саразыны хъуыды режиссермæ фæзынд, дзыллон информацион фæрзтæ йын йæ кой кæнын куы райдыдтой, уæд. Кинонывыл куыст цыд афæдзы дæргъы. Æвдыст дзы æрцыд постхæссæджы куыст азы алы афон дæр. Уæлдай æргом здæхт æрцыд Екатеринæйы æдæмуарзондзинадмæ. Куыд зæрдиагæй сæмбæлы, пост цы адæммæ фæхæццæ кæны, уыдоныл. Кинолентæ цæуы 30 минуты. У ирон æвзагыл. Ист та æрцыд Уæрæсейы культурæйы министрады æххуысы фæрцы.