Йæ режиссерт сты Галазты Аслан æмæ Исмель Шаов. Кинонывы хъайтартæ сты нæ республикæйы æмæ нæ бæстæйы зындгонд политикон архайджытæ.
Кинойы хæдзары уыд премьерæ. Равдыстой дзы документалон киноныв «Дед».
Йæ режиссерт сты Галазты Аслан æмæ Исмель Шаов. Кинонывы хъайтартæ сты нæ республикæйы æмæ нæ бæстæйы зындгонд политикон архайджытæ. Галазты Æхсарбеджы æмкусджытæ, хæстæджытæ æмæ хиуæттæ дзы дзурынц сæ мысинæгтæ, аргъ кæнынц Цæгат Ирыстоны фыццаг президенты политикон архайдæн. Уæд уыди уæззау рæстæг, Советон Цæдис куыд паддзахад, афтæ нал уыд. Уымæй дарддæр Хуссар Ирыстоны хæст æмæ Цæгат Ирыстоны Горæтгæрон районы 1992-æм азы трагикон цаутæ. Документалон кинонывы Галазты Æхсарбеджы уылты æвдыст цæуы æнæхъæн дуг – ома, Ирыстон-Аланийы истори. Уæд ахсджиаг бынат ахстой культурæ æмæ ахуырад. Уыимæ ма республикæ уыд къуырцдзæвæны, фæлæ нæ фæцудыдта. Кинонывы ма фенæн ис уникалон архив – йæ бинонты хуызистытæ, Æхсарбегимæ интервью, æфсæддон хроникæ. Кинонывы премьерæмæ æрбацыдысты йе мкусджытæ, æрдхæрдтæ, ахуыргæнинæгтæ.
