филиал вгтрк государственная телерадиовещательная компания “Алания”

«Елки 3» – хорздзинад фæстæмæ здæхы. Ног азы кинонкомеди исæн къорды уæнгтæ фембæлдысты республикйы журналисттимæ. Æмæ загътой сæ хъуыдытæ Дзæуджыхъæуы тыххæй. Нæ горæт у цыппæрæм, ахæм фембæлдтытæ кæм сарæзтой. Пресс-конференцийы архайдтой кинокомпани «Базилевс»- ы коммерцион директор Ирэн Ванидовская æмæ кинонывы режиссер Засеты Зауыр. Нæ горæт хуымæтæджы нæ равзæрстой. Куыд зонæм, афтæмæй ам истой кинойы эпизод. Бæрæгбоны хуызистытæ æмæ видеоæрмæг фенæн ис сайт «елки-фильм. стъæлф. Ру»-йы. Уазджытæ куыд загътой, афтæмæй кинокомедийæн исдзысты ног серитæ дæр. Иннæ хай рацæудзæн иннæ азы кæрон, æмæ йæ схондзысты «Елки -1914». Ныхас дзы цæудзæн, сæдæ азы размæ, революцийы агъоммæ Уæрæсейы Ног аз куыд бæрæг кодтой, ууыл. Фембæлды компани «Базилевс» радта дипломтæ æмæ арфæтæ. Кадджын хæрзиуæг лæвæрд æрцыд Дзæуджыхъæуы администрацийы сæргълæууæг Дзантиаты Сергейæн дæр. Фæстæдæр, премьерæйы агъоммæ, равдыстой ног киноныв. Се ппæтæн та йæ феныны фадат уыдзæн 26 декабры.