Режиссер Колыты Анатолийы ирыстойнаг драмæ райста сæрмагонд диплом номинацийы «Мæ Фыдыбæстæ – Уæрæсе
Киноныв «Авд сау гæххæтты» сси XXI Æппæтадæмон хæрзаудæн кинофестиваль «Лучезарный ангел»-ы дипломант. Режиссер Колыты Анатолийы ирыстойнаг драмæ райста сæрмагонд диплом номинацийы «Мæ Фыдыбæстæ – Уæрæсе. Историон æмæ удварны хæзнатæ бахъахъхъæныны кинонывтæ». Кинолентæ дзурæг у,1942-æм азы Цæгат Ирыстоны цы цаутæ цыдысты, уыдоныл. Киноныв истой нæ республикæйы аст хъæуы. Сæйраг киноисæн фæз та уыд хæххон хъæу Къæмунтæйы. Кинолентæ «Авд сау гæххæтты» ма сси IV Æппæтадæмон кинофестиваль «Свидание с Россией. Территория народного единства»-йы гран-прийы хицау. Арæзт æрцыд Архангельскы. Ныртæккæ ирыстойнаг драмæ архайы радон фестивалы «Витторио Венето Италийы».
