филиал вгтрк государственная телерадиовещательная компания “Алания”

Фортепианойыл цагъдта 7-æм къласы ахуырдзау Тахъазты Арианæ. Концертон программæйы – Бетховены, Григы, Листы, Рахманиновы æмæ Скрябины уацмыстæ. Æрыгон артисткæйæн уыд æртыккаг концерт. Арианæ у республикон, уæрæсейаг æмæ æппæтдунеон конкурсты лауреат, Уæрæсейы культурæйы фонды стипендиат. Музыкалон скъолайы ахуыр кæны Цæгат Ирыстоны культурæйы сгуыхт кусæг Сусанна Сароянцы къласы.

Тахъазты Фидар, Арианæйы фыд: «Йæ къахыл дæр нæма лууыд, афтæмæй йæ хъазæнтæ уыдысты пианинойы хуызы. Радтам æй музыкæмæ. Тынг фæцахуыр, йæ зæрдæмæ цæуы. Фыццаг хатт нæ дæтты ахæм сæрмагонд концерт. Йæ ахуыры тынг ахъаз сты. Йæхиуыл тынг бакусы, стæй йæхимæ критикон цæстæй ракæсы, æмæ йæ хъазт фæтыхджындæр вæййы».