Уыцы рæстæгмæ сси, космос æмæ наукæ цымыдисаг кæмæн сты, уыцы рæзгæ фæлтæры иугæнæн фæз
Къомайты Русланы номыл космонавтикæйы скъолайыл сæххæст 5 азы. Уыцы рæстæгмæ сси, космос æмæ наукæ цымыдисаг кæмæн сты, уыцы рæзгæ фæлтæры иугæнæн фæз. Скъола байгом Къомайты Русланы хъæппæрисæй. Стыр куыст бакодта, цæмæй сывæллæттæ исой бæстон зонындзинæдтæ космосы тыххæй. Ацы хъуыддагмæ стыр æвæрæн бахаста Битарты Вячеслав. 5 азы юбилейы кадæн мадзалы, уый раарфæ кодта скъолайы разамындæн, ахуыргæнджытæн æмæ ахуырдзаутæн. Абон космонавтикæйы скъолайы ахуыр кæны 800 сывæллоны онг. Ис ын дæлхайæдтæ республикæйы 6 районы. Рæзгæ фæлтæр дзы кæны проектон æмæ наукон-иртасæн архайд. Скъолайы æдзух арæзт цæуынц лекцитæ, экскурситæ, дæсныйадæвдисæг ахуыртæ. Æмгуыстад кæны космонавтикæйы къабазы ахсджиагдæр организацитимæ. Музей та хъæздыг у алыхуызон цымыдисаг экспонаттæй.
