филиал вгтрк государственная телерадиовещательная компания “Алания”

Компани «Бавари» сбæрæг кодта йæ 20 азы юбилей. Бæрæгбоны мадзæлттæ цыдысты знон æнæхъæн бон. Сæ егъаудæртæ арæзт æрцыдысты Сæрибардзинады фæзы. Æхсызгон уыдысты куыд хистæртæн, афтæ сывæллæттæн дæр. Хæрзгыццыл сабиты хъæлдзæг кодтой быдзæутæ æмæ стыр куклатæ. Се ппæтæн дæр фадат уыд компанийы продукци – адджын дæттæй ацаходынæн. Уымæй дарддæр сæрмагонд фæзты сæвæрдтой пъалаткæтæ. Уым та ацаходæн уыд ресторантæ: «Бавари», «Жар-птица» æмæ «Эрмитажы» хæринæгтæй. Бæрæгбонмæ цы адæм æрбацыд, уыдонæн се ппæтæн дæр байуæрстой хуызджын шартæ. Компанийы генералон директор Битарты Вячеслав куыд зæгъы, афтæмæй йæ коллектив стыр æхсызгонæй цæттæ кодта ацы юбилеймæ. Æмæ сæхи бафæндыд, сæ бæрæгбон нæ республикæйы цæрджытимæ сбæрæг кæнын.

Битарты Вячеслав, компани «Бавари»-йы генералон директор: «Бузныг, абон нæ бæрæгбонмæ чи рбацыд, уыдонæн се ппæтæн дæр. Мах фæндыди нæ горæты цæрджыты, нæ республикæйы цæрджыты зæрдæтæ барухс кæнын. Æмæ дарддæр дæр архайдзыстæм, сæ хорздзинадыл».