Импровизацигонд штабы активонæй архайдтой районы национ-культурон æхсæнадты æмæ Хæлардзинады Хæдзары миæвæрттæ
Компаниты къорд «Бавария» Мæздæджы районы баххуыс кодта 4 сæдæ фæкæсынхъуаг бинонтæн. Ацы зын рæстæджы сын байуæрстой продукттæ. Импровизацигонд штабы активонæй архайдтой районы национ-культурон æхсæнадты æмæ Хæлардзинады Хæдзары миæвæрттæ. Æхсæнадон кусджыты æмархайды фæрцы, ацы бонты æххуыс райстой дæрддзæф хъæуты цæрджытæ дæр.
Се хсæн инвалидтæ, бирæсывæллонджын æмæ æгуыстæй чи баззади, ахæм бинонтæ. Продукттимæ хызынтæ байуæрстой волонтертæ, бынæттон хицауад, хъазахъхъæгты æхсæнады уæнгтæ, æмæ сæвзæрд уавæрмæ куыдфæндыйы цæстæй чи нæ кæсы, ахæм адæм. Ацы куыстмæ се вæрæн хæссынц Æппæтуæрæсеон адæмон фронты уæнгтæ æмæ «Волонтертæмедиктæ».
