Афæдзы райдианæй иу 1300 адæймаджы загътой фæндон æфсæддон службæмæ бацæуыны тыххæй
Контракты бындурыл æфсæддон службæмæ æвзарæн хайад бахыгъта йæ куысты бæрæггæнæнтæ 2021 азæн. Афæдзы райдианæй иу 1300 адæймаджы загътой фæндон æфсæддон службæмæ бацæуыны тыххæй. Уыдонæй 900 адæймаджы арвыстой æфсæддон хайæдтæм. Дзæуджыхъæуы æвзарæн пункты сæргълæуæг Павел Щеглов куыд загъта, афтæмæй фидæны æфсæддонтимæ ныхас кæнынц инструктортæ æмæ сын уыдон æххуыс кæнынц равзарын, службæ кæцы хайы хæсдзысты, уый. Æппæт домæнтæ куы сæххæст кæнынц, уæд та сæ фæхъæуы ацæуын медицинон æркаст, психологимæ дзургæ фæлварæн, стæй радты спортивон цæттæдзинады нормативтæ. Контракты бындурыл æфсады службæ кæнын кæй фæнды, уыдоны хъæуы æрæмбырд кæнын бæлвырд документтæ æмæ ацæуын медицион къамис. Уымæй уæлдай инновацион тесты фæрцы сбæрæг кæнынц, адæймагмæ коронавирус ис æви нæ, уый дæр. Уыцы тестытæ сæрмагондæй æрхъуыды кодта Хъахъхъæнынады Министрад. Æфсæддон службæмæ кандидаттæ хайады кусджытæ агурынц интернеты уылты, дзыллон хабархæссæг фæрæзты фæрцы, стæй комкоммæ ныхасы фæрцы. Курдиат ис бадæттæн хъахъхъæнынады министрады сайты уылты.
