30 сентября 2019, 17:00
Контролон-уадзæн пункт «Уæллаг Ларс»-ы уæзласæн машинæты нымæц фæкъаддæр æртæ хатты
Ныртæккæ дзы ис 3 сæдæ машинæмæ хæстæг.
Контролон-уадзæн пункт «Уæллаг Ларс»-ы уæзласæн машинæты нымæц фæкъаддæр æртæ хатты.
Ныртæккæ дзы ис 3 сæдæ машинæмæ хæстæг. Уæ зæрдыл уын æй лæууын кæнæм, Уæллаг Ларсы машинæтæ сæмбырд сты ивгъуыд къуырийы. Шофыртæ куыд зæгъынц, афтæмæй къуылымпыдзинæдтæ райдайынц суанг Стъараполы крайæ. Пятигорскæй, Миниралон дæттæй, стæй Кæсæг-Балхъарæй Гуырдзыйы рдæм машинæтæ нæ цæуынц. Ахæм уавæр хæссы ныр къуырийы бæрц. Ацы аххосæгтæм гæсгæ, транспортон компаниты дæр ис къуылымпыдзинæдтæ. Уæлдай тынгдæр тыхсы, тагъд чи хæлы, ахæм продукттæ чи ласы, уыдон.
