Алкæмæн дæр ис бинонтæ, мыггаг æмæ сыхæгтæ. Сывæллон канд бинонты нæу, фæлæ мыггаджы дæр у, æмæ æгъдау æрмæст ныхæстæй хъуамæ ма `вдисæм, – загъта Мамсыраты Таймураз.
Мамсыраты Таймураз, РЦИ-Аланийы сæргълæууæг: «Хъуамæ мах не гъдæутты фæрцы тох кæнæм æхсæнады æвзæр фæзындтыты ныхмæ дæр. Уыцы хæс æвæрд ис Стыр Ныхасы æмæ ветеранты советы раз дæр».
Уымæй уæлдай ма республикæйы сæргълæууæг дзырдта æндæр ахсджиаг фарстатыл. Сæ иу – Дзæуджыхъæуы кадетты корпусы фидæн. 1-æм сентябрæй фæстæмæ йæ ногæй хонын райдайдзысты Цæгат Кавказы суворовон æфсæддон училищæ. Республикæйы хицауады курдиатмæ гæсгæ йæ ратдзысты Уæрæсейы хъахъхъæнынады министрады исбонмæ. Уый Мамсыраты Таймураз схуыдта историон цау. Хæстæгдæр рæстæг бафиддзысты ахуыргæнæндоны æппæт хæстæ дæр. Уалдзæджы та сфидар кæндзысты кусджыты номхыгъд. Нысанмæ гæсгæ фыццæгæм сентябры ам ахуыр кæнын райдайдзысты 250 курсанты. Ныртæккæ сты 220.
Мамсыраты Таймураз, РЦИ-Аланийы сæргълæууæг: «Арфæ кæнæм Сергей Шойгуйæн, УФ-йы хицауадæн. Нæ цаст дардзыстæм æппæт куыстытæм дæр».
