26 марта 2021, 14:30
Коронавирусæй хи бахъахъхъæнынæн æппæты ахадгæдæр у прививкæ скæнын
Цæгат Ирыстон радон хатт райста вакцинæ
Коронавирусæй хи бахъахъхъæнынæн æппæты ахадгæдæр у прививкæ скæнын. Цæгат Ирыстон радон хатт райста вакцинæ. Ацы хатт 1200 дозæйы. Ныридæгæн сæ адих кодтой Дзæуджыхъæуы 1-æм, 4-æм æмæ 7-æм поликлиникæты хсæн. Республикæйы æнтыстджынæй кусынц вакцинацийы пункттæ, сног кодтой ковиды ныхмæ мобилон бригадтæ дæр. Медицинон колледжы ацы бонты прививкæтæ скодтой 27 адæймаджы. Уый, æрмæст студенттæ æмæ ахуыргæнджытæ нæ, фæлæ кæй фæндыд, уыдон сеппæт дæр. Алчидæр сæ баххæст кодта анкетæтæ æмæ æнæмæнгæй аныхас кодта терапевтимæ. Дохтыртæ раздæрау дзурынц вакцинæйы æдасдзинады тыххæй. Республикæйы ныры онг прививкæтæ скодтой 14 мины 902 адæймаджы. Уыдонæй вакцинæйы 2-аг компонент райстой 11 мины 377 адæймаджы.