Рынчындæттæм иу бонмæ баласынц 90 адæймаджы
Коронавирусæй рынчынты нымæц ивгъуыд къуырийы, раздæры къуыриимæ абаргæйæ, фæфылдæр сты 15%. Рынчындæттæм иу бонмæ баласынц 90 адæймаджы. Уый тыххæй аппаратон æмбырды фехъусын кодта фæлхасадмæ цæстадрды республикон управленийы разамонæг Тыбылты Алан. Уымæ гæсгæ хицауады сæрдары хæстæ æххæстгæнæг районты сæргълæуджытæн бабар кодта ацы къабазы куыст фæахадгæдæр кæнын. Тускъаты Таймураз ма се ппæты зæрдыл æрлæууын кодта, стыр æргом аздахын кæй хъæуы национ проект «Æдас æмæ хæрзхъæд фæндæгтæ» æххæст кæнынмæ. Куыстытæ хъуамæ фæуой 1-æм сентябры онг. Æмбырды ма æрныхас кодтой, Терчы былгæрон цы бирæуæладзыгон арæзтад лæууы, уый айсыныл. Дзæуджыхъæуы администрацийы сæргълæууæг Милдзыхты Вячеслав куыд фехъусын кодта, афтæмæй подрядон организаци куыстытæм бавналдзæн 13-æм августы. Уымæ гæсгæ, æдасдзинады домæнтæ хынцгæйæ, 10-æм августæй фæстæмæ рæстæгмæ бауромдзысты сывæллæтты ирхæфсæн аттракционты архайд. Демонтаж цæудзæн роботты фæрцы. Бæндæнты фæндаг айсын та уыдзæн зындæр. Уымæн æмæ йæ бынмæ ис цæрæнуæттæ. Ныртæккæ архайд цæуы проект саразыныл. Иннæ ахсджиаг проект та баст уыд – Пашковскийы уынджы историон хид рацаразынимæ. Куыстыты схемæ хъуамæ радтаиккой 1-æм августы, фæлæ нæ бантыст. Тускъаты Таймураз бадомдта куыст фæтагъддæр кæнын. Уымæн æмæ объект хаст æрцыд, Аланийыл саргъуыды 1100 азы мадзæлтты пъланмæ.
