Уый тыххæй хъæуы курдиат бадæттын
Коронавирусы аххосæй куыст кæмæн нал ис, æмæ æфтиаг кæмæ нал хауы, уыдон райсдзысты уæлæмхасæн фиддонтæ. Уый тыххæй хъæуы курдиат бадæттын. Фарстайыл кусынц Алагиры районы дæр. Социалон æххуысы бынæттон хайадмæ бацыд 100 бинонтæй фылдæр.
Фæллойы æмæ социалон райрæзты министрады сайтæй ис курдиат рауадзæн æмæ йæ баххæст кæнын. Зынæй дзы ницы ис, сæйрагдæр раст информа раттын. Нелли Скублинская уыцы иумæййаг фиддонты тыххæй базыдта социалон хызæгтæй. Сылгоймаг йæ дыууæ фыртимæ ныр мæйы дæргъы у æгуыст. Раздæр куыста фитнес залы
Гæджынаты Бэлæ дары йæхæдæг цы маскæ бахуыдта, уый. Фæлæ абон йын уыцы фадат дæр нал ис. Хуыйæн фабрик бахъуыд сæхгæнын. Сылгоймагæн ис хъомылгæнинаг чызг. Зæгъы йæ хцайы æвæрæнтæ фесты. Ныр йæ ныфс дары паддзахадыл.
Алагиры районы иухатты æххуысы фæдыл курдиæттæ исынц къуырийы дæргъы. Уыцы рæстæгмæ æрбацыд 100 курдиатæй фылдæр. Суткæмæ районы социалон хъахъхъæнынады хайадмæ æрбацæуы 30 адймагæй фылдæр. Фæлæ се ппæтæн не мбæлы уыцы иумæйаг æххуыс бакæнын. Социалон æххуыс бакæндзысты æрмæстдæр уавæр хынцгæйæ æнæ фтиаг чи баззад, уыдонæн.
Алагиры районы цал бинонтæн баххуыс кæндзысты, уый сбæрæг кæндзæн ведомствæты хсæн къамис. Алы хъуыддагмæ кæсынц хицæнæй. Раздæр уал сфидар кодтой 152 курдиаты. Социалон фиддонтæ райсыны тыххæй курдиæттæ исдзысты 30-æм апрелы онг. Æппæт информаци райсæн ис, уæ экрантыл цы телефонты номыртæ уынут, уыдонмæ бадзургæйæ
