Се хсæн 90-аздзыд Алагиры цæрæг Валентина Душкина
Уыцы-иу рæстæг нæ республикæйы вакцинаци цæуы дарддæр. Коронавирусы ныхмæ прививкæ скæныны фæнд фæзынд бирæтæм. Се хсæн 90-аздзыд Алагиры цæрæг Валентина Душкина. Сылгоймаг лæмбынæг кæсы дунейы эпидемиологон уавæрмæ, æмæ йæ бæлвырд зоны, ахæм уавæры куыд архайын хъæуы, уый. Йæ сусæгдзинæдтæ раргом кодта не сфæлдыстадон къордæн, махæн та сæ радзурдзæн Гуытъиаты Алинæ.
Æрвылрайсом Валентинæ Душкинæ æнхъæлмæ кæсы бæстæйы хабæртты радон равдыстмæ. Сылгоймаг лæмбынæг цæст дары, нæ бæстæйы пандемияйымæ цы уавæр сæвзæрд, уымæ. Уæдæй фæстæмæ бауарзта æнæниздзинады тыххæй равдыстытæ. Телевизорæй дохтыр сылгоймагæн бацамыдта — низæй хи бахъахъхъæнынæн хъæуы вакцинаци ацæуын. Прививкæ скæн, зæгъгæ йын загъта йæ чызг дæр.
Валентинæ æмбары, коронавирус тæссаг у куыд æрыгæттæн, афтæ ацæргæ адæмæн дæр. Ветеран хорз хъуыды кæны, раздæр иу прививкæтæ куыд кодтой, уый. Советон рæстæг цыдис рæуджыты низ, емынæ, хæбуз æмæ æндæртæй вакцинаци. Уæдæ иу гриппæй дæр сæхи æнæмæнг бахъахъхъæдтой. Ветеран куыд зæгъы, афтæмæй ныртæккæ бакуырм гриппы тыххæй.
Алагиры поликлиникæйы куыд зæгъынц, афтæмæй Валентинæ Душкинæ у, вакцинаци чи ацыд, уыцы адæмы æппæты хистæр. Бон поликлиникæйы прививкæтæ скæнынц дыууын адæймаджы бæрц. Сæ фылдæрыл цæуы æхсай фондз азæй фылдæр.
Ныртæккæ нæ республикæйы вакцинаци ацыдысты сæдæ æстай мин адæймаджы. Тæссаг низæй хи прививкæйы фæрцы чи бахъахъхъæдта, уыдоны нымæц фæфылдæр ис дыууын проценты.
