Коронавирусы ныхмæ тохгæнджыты рæнхъытæ ма фæфылдæр сты 70 студентæй-медикæй. Дохтыртæн æххуыс кæнынц æрвылбоны фарстатæ лыг кæнынæй. Телефонæй бадзурынц пациенттæм, рафыссынц рецепттæ, баххæст кæнынц рынчынты медицинон картæтæ. Ахæм æххуыс медиктæн арæзт æрцыд Сергей Меняйлойы амындмæ гæсгæ. Куыд æххæст кæнынц студенттæ сæ хæстæ, уый тыххæй радзурдзæн Гуытъиаты Алинæ.
Икъаты Янæйæн ацы куыст у æмбал кæмæн нæй, ахæм фæлтæрддзинад. Медицинон академийы студенткæйы бафæндыд фыццаг поликлиникæйы дохтыртæн баххуыс кæнын. Ныртæккæ чызг консультацитæ дæтты, вакцинаци чи цæуы, уыцы адæмæн. Янæ куыд зæгъы, афтæмæй куыст се нцонтæй нæу. Дохтырты бынтон куы нал февдæлы, уæд сын сæ хæсты иу хай сæхимæ райсынц студенттæ.
Хъайтыхъты Эльвирæ у медицинон академийы ординатор. Чызг поликлиникæмæ рацыд, цæмæй хайады терапевты раива, уый ныртæккæ рынчын у. Дохтырты къух фæрогдæр кæнын чи архайы, уыцы студенттæ бирæ сты.
Пандемияйы уавæрты студенттæ сæхимæ райсынц куыстыты фыдæр хай. Дзуынц рынчынтæм, фыссынц рецепттæ, медицинон картæтæ. Ныртæккæ се ххуыс уæлдай ахсджиаг у, зæгъынц дохтыртæ.
Ныртæккæ медицинон академийы дыууæсæдæ студенты рагагъоммæ райдыдтой практикæ. Иуæй иутæ та кусынц рынчындæтты æмæ районы поликлиникæты.
Фæлæ уый нæдæр студенттæ, нæдæр дохыртæ сæхицæн сгуыхтдзинадыл нæ нымайынц. Адæмы ирвæзын кæнын у сæ æрвылбоны куыст.
